- Terá lugar o día 29 de xuño no Auditorio a partir das 16:00 horas, con entrada de balde para todo tipo de públicos

- Falará sobre como seguir unha dieta equilibrada e sobre alimentos procesados e ultraprocesados

^{Valga, 24 de xuño de 2023.}

^{O Auditorio Municipal acollerá o vindeiro xoves, 29 de xuño, unha nova charla divulgativa sobre alimentación saudable a cargo de Alejandra Martínez Cortiñas, a dietista-nutricionista do Centro de Saúde de Valga.}

^{Esta conferencia será complementaria á que se celebrou no pasado mes de marco e estará centrada no etiquetado nutricional, as cuestións que se deben ter en conta á hora de elixir determinados produtos e en que parámetros deben fixarse os consumidores de todos os que aparecen nas embalaxes dos alimentos.}

^{Ademais, a especialista tamén ofrecerá unhas nocións básicas para seguir unha alimentación saudable e centrará parte da súa intervención na diferencia entre os alimentos procesados e ultraprocesados.}

^{A charla dará comezo ás 16:00 horas, con entrada libre e gratuíta para todo tipo de públicos e sen que sexa necesaria inscrición previa.}