- O acto tivo lugar onte no Auditorio Municipal coa asistencia de familiares e achegados dos estudantes

- Esta tarde celébrase o festival de fin de curso do CEP Xesús Ferro Couselo

^{Valga, 21 de xuño de 2023.}

^{O colexio Baño-Xanza celebrou onte a graduación do alumnado que hoxe mesmo rematou 6º curso de Primaria e que, o vindeiro curso, iniciará unha nova etapa educativa no instituto. O acto tivo lugar no Auditorio Municipal coa asistencia de profesores, familias e achegados dos 39 alumnos protagonistas.}

^{As mestras Rebeca Santos e Eva Zumalave, que tamén é directora do centro, exerceron de presentadoras desta gala de despedida, na que non faltou a emoción pero tamén a satisfacción dos estudantes, as súas familias e docentes de ver cumprido este ciclo.}

^{Durante o acto proxectáronse vídeos gravados polos alumnos e tamén polos seus mestres recordando os bos momentos que viviron xuntos nos últimos anos e que non só serviron aos estudantes para aprender matemáticas, lingua ou ciencias naturais, entre outras materias, senón que tamén lles permitiron adquirir valores.}

^{Os homenaxeados recibiron cadansúa banda na que se destacaban as súas principais cualidades –votadas polos seus propios compañeiros– e un agasallo para lembrar a súa etapa no centro. E tamén houbo sorpresas en forma de flores para as mestras titoras.}

^{As actividades con motivo do fin de curso continúan durante toda a semana Auditorio, esta tarde co festival do CEP Xesús Ferro Couselo. Mañá celébrase a graduación do IES de Valga e o venres a festa da Escola Infantil Municipal.}