- Teñen como obxectivo reforzar as capacidades da mocidade en ámbitos coma a ciencia, a enxeñaría ou as matemáticas

- A inscrición xa está aberta a través da web da Rede CeMIT ou presencialmente no Auditorio

^{Valga, 19 de xuño de 2023.}

^{A Aula CeMIT de Valga, situada no Auditorio Municipal, acollerá este verán obradoiros tecnolóxicos dirixidos a nenos e mozos de entre 8 e 15 anos e organizados pola Axencia para a Modernización Tecnolóxica de Galicia (Amtega) en colaboración co Colexio Profesional de Enxeñaría Técnica en Informática.}

^{Serán dúas as sesións prácticas de experimentación tecnolóxica as que se impartan en Valga, no marco do programa Girl Steam, que ten como obxectivo espertar vocacións tecnocienfíticas entre a mocidadeo e reforzar as súas capacidades en ámbitos coma a ciencia, a enxeñaría ou as matemáticas a través de obradoiros prácticos nos que aprender e experimentar.}

^{Os talleres terán lugar durante o mes de agosto, pero a inscrición xa está aberta tanto na páxina web da Rede Cemit coma presencialmente na Aula do Auditorio. O día 17 de agosto terá lugar unha actividade dirixida a rapaces de entre 8 e 11 anos na que os participantes elaborarán unha peza audiovisual en formato 'stop motion’. Partirase dun circuíto de luces led elaborado polo propio grupo e que servirá de base para crear o guión e construír a historia con fotogramas, que será editada para a presentación final do traballo.}

^{A xornada do 25 de agosto celebrarase o segundo obradoiro, para mozos de 12 a 15 anos que poderán experimentar coa creación de tecidos intelixentes. Os participantes aprenderán a programar sensores para construír un proxecto sobre unha prenda téxtil que reaccione a cambios de distancia, luz, inclinación, etc.}