- As melloras, nas que se investirán máis de 96.000 euros, continuarán por Vilar, O Forno, A Medela e Casal de Eirigo

- Renovarase o asfalto e, nalgúns casos, tamén se ensancharán as vías

^{Valga, 26 de maio de 2023.}

^{As obras de mellora de estradas municipais nas que o Concello investirá máis de 93.000 euros deron comezo na zona de Laxes. As actuacións realizadas consistiron na limpeza de marxes e apertura de cunetas e pavimentación con mestura bituminosa en quente. Ademais, tamén está previsto realzar ata a cota do asfalto as tapas de rexistro.}

^{O obxectivo é mellorar a seguridade viaria e as condicións para a circulación para vehículos e outros usuarios da estrada.}

^{Estes traballos continuarán agora por outras vías de titularidade municipal nas parroquias de Cordeiro, Xanza e Setecoros. Concretamente, no Forno, Vilar (onde se acondicionarán tres tramos de estrada) A Medela e Casal de Eirigo. Nestes dous últimos lugares, ademais de mellorar a pavimentación, o proxecto inclúe o ensanche da plataforma de circulación.}