- Estanse a instalar tubaxes para a condución das augas polo bordo exterior da construción

- Operarios do Concello están a substituír elementos da carpintería interior nos aseos e vestiarios

^{Valga, 24 de maio de 2023.}

^{O pavillón municipal de Cordeiro está sendo sometido a diversas obras de mellora como paso previo ao investimento de case 150.000 euros na colocación dun novo pavimento.}

^{As actuacións que se realizan consisten, por unha parte, na mellora do sistema de drenaxe no exterior da construción para evitar filtracións ao interior que poidan afectar, precisamente, á pista, como sucedeu coa anterior. As máquinas escavadoras abriron unha gabia polo bordo do pavillón e agora estanse a instalar as tubaxes para recoller e conducir as augas pluviais.}

^{Ademais, operarios do Concello tamén traballan na renovación de parte da carpintería interior, concretamente as portas dos aseos e vestiarios, retirando as vellas e subsituíndoas por outras novas.}

^{Outra das melloras  que se desenvolven no recinto deportivo é o pintado das paredes interiores, unha actuación de embelecemento que realiza persoal da empresa ---, como paso previo á obra que culminará as reformas no pavillón: a instalación dun novo pavimento que garanta a boa práctica das distintas disciplinas deportivas que alí se realizan (fútbol sala, baloncesto, tenis, balonmán, patinaxe, karate...).}

^{A pista será de linóleo acústico de 4 milímetros de espesor, con tratamento antiestático e acabado liso. Sobre ela pintaranse e sinalizaranse os diferentes campos de xogo: patinaxe, balonmán, tenis, voleibol, baloncesto e bádminton.}