Accessibility Tools

NOVAS DO CONCELLO

- Deben entregar no Concello unha memoria da actuación, fotografías do lugar e a folla de solicitude cuberta e asinada por tres representantes

- Haberá premios de 300, 200 e 100 euros aos participantes e un galardón especial de 150 euros á mellor conservación

EmbelecerBelén22

Valga, 17 de marzo de 2023.

O Concello convoca un ano máis o concurso “Embelecer Valga”, que pretende implicar á veciñanza no coidado e rehabilitación de espazos e zonas comúns do municipio para o seu posterior desfrute por parte de toda a poboación.

O certame premia ao lugar máis fermoso acondicionado polos veciños, que deberán agruparse para levar a cabo accións consistentes na limpeza, mellora, dotación de equipamentos ou ornamentación. Deste xeito, búscase poñer en valor os espazos cos que conta o concello, fomentar o traballo comunitario e a integración social e promover o respecto polos lugares e mobiliario públicos.

Poden participar comisións de carácter veciñal, asociativo ou de calquera outro tipo, que deben entregar no Concello unha solicitude encabezada por un representante e asinada por un mínimo de tres membros. Ademais, teñen que entregar unha pequena memoria descritiva das accións de mellora a desenvolver e os materiais que se estimen precisos, incluíndo fotografías que reflexen o estado actual do lugar no que se levarán a cabo as actuacións.

Técnicos do Concello serán os encargados de avaliar os proxectos e aprobar, total ou parcialmente, as actuacións propostas polos grupos veciñais. Tamén se encargarán da entrega do material necesario para a execución das obras aprobadas.

O prazo para presentar as solicitudes finaliza o día 31 de maio e as obras terán que estar rematadas na penúltima fin de semana de agosto, cando o xurado visitará os lugares para a súa avaliación.

Valoraranse aspectos como adecuación final á memoria presentada, a orixinalidade e a creatividade nos deseños e elementos decorativos, o aproveitamento dos recursos e materiais da zona, a conservación e deseño de espazos verdes coma xardíns e áreas recreativas, a recuperación de elementos existentes no lugar e o fomento da cultura e da tradición locais.

O proxecto mellor valorado será premiado con 300 euros, o segundo recibirá 200 euros e o terceiro, 100 euros. Os tres primeiros clasificados recibirán tamén un trofeo e o resto de participantes serán gratificados con 100 euros e un diploma conmemorativo.  Ademais, outorgarase un premio especial de 150 euros á comisión que mellor manteña e conserve o estado do lugar durante todo o ano. Este premio entregarse na edición seguinte.

Os gañadores daranse a coñecer durante a celebración da XXXIII Festa da Anguía e Mostra da Caña do País.

Folla de inscrición 

 

Embelecer23

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver