- O vehículo quedará emprazado de 12:00 a 15:00 na Praza Manuel Vicente Cousiño e pola tarde, de 15:00 a 21:00, xunto ao Auditorio

- Mexillóns, chopo ou bonito serán algúns dos produtos que se poderán degustar

^{Valga, 23 de febreiro de 2023.}

^{A campaña “Galicia sabe aMar”, da Xunta de Galicia, chega este sábado a Valga para promocionar a calidade e a versatilidade dos produtos galegos do mar e animar á cidadanía a consumilos. Unha foodtruck estará no municipio durante toda a xornada en dous emprazamentos: en Pontevalga e en Cordeiro, ofrecendo unha degustación gratuíta de petiscos a todas as persoas que se acheguen.}

^{Serán catro as elaboracións que se prepararán na foodtruck empregando produtos certificados do mar xunto con outros da terra con denominación de orixe. En concreto, as receitas serán: croquetas de chopo con ali oli de pemento verde de Arnoia, taco de bonito con tomate cherry, mexillón con hummus de fabas de Lourenzá e pan de gambas con ventresca de bonito e maionesa de pemento vermello de Arnoia}

^{O vehículo estará emprazado de 12:00 a 15:00 horas na Praza Manuel Vicente Cousiño, en Pontevalga, e pola tarde, de 18:00 a 21:00 horas, desprazarase a Cordeiro, nas inmediacións do Auditorio Municipal.}

^{Con esta actividade, a Xunta de Galicia está a percorrer arredor de 260 municipios de Galicia e de España vencellados ao Camiño de Santiago co obxectivo de enxalzar a gran variedade de peixes e mariscos cos que conta a comunidade e as especiais características deses produtos, de máxima calidade.}