- Realizouse a demolición dalgunhas estruturas e construíuse unha rampla na parte traseira

- Os traballos foron subvencionados pola Xunta de Galicia

^{Valga, 9 de decembro de 2022.}

^{Tralos traballos de limpeza e baleirado acometidos nas últimas semanas, continúan as obras no Punto Limpo de cara á recuperación da súa plena funcionalidade para recuperar este servizo.}

^{A última actuación de acondicionamento levada a cabo consistiu na demolición dunha parede de bloques que separaba a parte cuberta do recinto, a retirada dunha malla metálica e a roza e limpeza da contorna. Ademais, construíuse unha rampla que une a parte alta do punto limpo coa zona cuberta para así facilitar o depósito de residuos nos respectivos colectores unha vez se poña en marcha o servizo.}

^{Estes traballos, que tiveron un custo de 7.120 euros, foron executados pola empresa Construcciones Caamaño S.L. e subvencionados pola Xunta de Galicia, con fondos do Plan de Recuperación, Transformación e Resiliencia do programa Next Generation, da UE.}