- O sistema de apertura dos colectores permite introducir botellas de ata cinco litros

- O aceite non debe tirarse polo vertedeiro xa que un litro pode chegar a contaminar ata 1.000 litros de auga

^{Valga, 30 de novembro de 2022.}

^{O Concello de Valga, na súa política de fomento da reciclaxe dos distintos tipos de residuos, vén de instalar novos contedores para o depósito de aceite doméstico usado. Son un total de nove os colectores colocados nos seguintes emprazamentos:}

• ^{Nas inmediacións do colexio Xesús Ferro Couselo}
• ^{No cruce do teleclub de Cordeiro}
• ^{Na  estrada PO-548, frente ao bar Pirata}
• ^{Na estrada PO-548, no cruce cara A Casa da Torre}
• ^{Na estrada PO-548, nas inmediacións do cruce de Baño}
• ^{Na illa de reciclaxe da Avenida da Coruña}
• ^{Na illa de reciclaxe situada xunto á parada de taxis}
• ^{Na estrada N-550, xunto ao cruceiro de Xanza}
• ^{Na estrada N-550, xunto ao cruce da estrada a Cuntis}

^{Como principal novidade, estes contedores contan cun sistema de apertura de carga superior que permite depositar botellas de ata 5 litros, cando ata o de agora só podían introducirse envases de ata 1,5 litros de capacidade. Hai que lembrar que só pode botarse nestes colectores aceite doméstico e de ningún outro tipo, e sempre dentro de botellas de plástico que estean ben pechadas, para evitar verteduras.}

^{Os aceites usados son altamente contaminantes sen non se tratan axeitadamente, xa que un litro pode chegar a contaminar máis de 1.000 litros de auga. Por iso é importante que non se tire polo vertedoiro ou polo inodoro, xa que pode causar problemas nas tubaxes e nas depuradoras e danos nos ríos e canles de auga.}

^{O aceite depositado nos colectores de reciclaxe destínase á produción de biocombustibles, fomentando así alternativas sostibles aos combustibles fósiles convencionais.}