- Durante toda a semana sucederanse as actividades, con excursións, exposicións e unha xornada de portas abertas

- O obxectivo é promover a súa plena inclusión en todos os ámbitos da sociedade.

^{Valga, 28 de novembro de 2022.}

^{Os usuarios do CODI deron comezo esta mañá aos actos conmemorativos do Día Internacional das persoas con discapacidade, que se celebra o 3 de decembro co obxectivo de promover os seus dereitos e benestar, impulsar un mundo accesible e equitativo e fomentar a súa plena inclusión en todos os ámbitos da sociedade.}

^{Un obradoiro de elaboración de marmelada, que foi subvencionado pola Deputación, foi o punto de arranque destas conmemoracións. Os usuarios empregaron diferentes froitas, coma piña, coco e cabaza, que cortaron en anacos moi pequenos e despois mesturaron con azucre e puxeron ao lume para que caramelizara. O produto final foi envasado en botes que previamente esterilizaron fervéndoos en auga.}

^{Para hoxe os usuarios teñen programada unha visita ao Museo da Maxia de Santiago, onde poderán ver unha exposición interactiva de ilusións ópticas e artiluxios da maxia, así como demostracións en directo.}

^{As actividades continuarán o mércores, cun novo obradoiro de coiro no marco do programa provincial “Conectadas”, o xoves dedicarán parte da xornada á elaboración de doces e o venres poñerase o colofón cunha xornada de portas aberta no CODI, coas familias dos usuarios como invitados e con actuacións en directo, proxección e exposicións, entre outros actos.}