- Diríxense a veciños que carezan de ingresos suficientes para afrontar gastos de alimentación, vivenda e pago de recibos, entre outros conceptos

- Teñen preferencia as persoas con menores ao seu cargo

^{Valga, 6 de outubro de 2022.}

^{O Concello de Valga lembra que continúa aberto o prazo para solicitar axudas de emerxencia social dirixidas a persoas en situación de exclusión social ou en risco de estalo e que carezan de ingresos suficientes para facer fronte aos gastos polos que se solicita a axuda. Teñen preferencia aquelas persoas con menores ao seu cargo e, para solicitalas, os ingresos económicos da unidade de convivencia non poden superar o seguinte baremo:}

^{Os tipos de axudas que poden solicitarse son:}

• ^{Alimentación: compra de alimentos e pagamento de servizos de restauración.}
• ^{Uso de vivenda: pagamento de débedas de alugueiro e hipotecarias, acondicionamento de habitabilidade, mobiliario e enxoval da vivenda, estancias temporais nun centro residencial ou nun establecemento hoteleiro.}
• ^{Pago de recibos: electricidade, leña ou equivalentes, gas, gasóleo ou auga.}
• ^{Produtos de hixiene e limpeza.}
• ^Farmacia.
• ^{Electrodomésticos básicos: lavadora, quentador, cociña, frigorífico, deshumidificador...}
• ^{Desprazamentos a recursos asistenciais ou sanitarios fóra do concello.}
• ^{Reparación e mantemento de vehículos.}
• ^{Lentes e audífonos.}
• ^{Tratamentos de odontoloxía non financiados polo Servizo Galego de Saúde.}
• ^{Produtos de apoio: camas articuladas, guindastres, colchóns antiéscaras, cadeiras e barras de ducha ou baño, andadores...}
• ^{Atencións de carácter complementario: destinadas a persoas con algunha discapacidade ou dependencia (fisioterapia, logopedia, terapia ocupacional e/ou psicolóxica).}
• ^{Roupa e calzado.}

^{Estas axudas son convocadas pola Deputación en colaboración co Concello de Valga e aquelas persoas que precisen máis información ou queiran presentar unha solicitude poden dirixirse ao departamento municipal de Servizos Sociais.}