- Os asistentes poderán adquirir diferentes tapas a 1’5 euros e cócteles a 1 euro

- As orquestras Panorama e Alkar serán as encargadas de poñer a nota musical na noite do día 27

^{Valga, 18 de agosto de 2022.}

^{Valga está ás portas dunha nova edición da Festa da Anguía e Mostra da Caña do País, unha celebración declarada de Interese Turístico de Galicia e que, despois de dous anos limitada pola pandemia, regresa ao seu formato habitual con todas as actividades e degustacións dos produtos protagonistas: a anguía do Ulla e a augardente destilada ao xeito tradicional.}

^{Nas actividades incluídas na programación festiva degustaranse uns 600 quilos de anguía, incluíndo os showcookings do “Agosto Gastronómico” a IX Ruta-Concurso “Tapa a Anguía” e a degustación do día 27 no Parque Irmáns Dios Mosquera. Alí estarán á venda por 1’50 euros un total de 1.400 tapas con seis receitas diferentes: catro elaboradas polos cociñeiros de Indo e Vindo Gastronomía e dúas que resultaron gañadoras dos concursos “Tapa a Anguía” dos anos 2020 e 2021. Trátase da tosta de anguía do Bar Pardal, que acadou o premio do xurado hai dous anos, e a hamburguesa de anguía de Pastelería Caprichos, que gañou o ano pasado.}

^{En canto á augardente, os asistentes á festa poderán adquirir diferentes cócteles elaborados con caña branca, de herbas e tostada por 1 euro cada un. Ademais, mantense no Centro de Interpretación da Caña a demostración de destilado tradicional a cargo de dous cañeiros de Valga, na que se farán dúas potadas de caña branca e de herbas e, a medianoite, haberá unha gran queimada popular gratuíta, con conxuro e espectáculo a cargo de Troula Animación. En total, uns 350 litros de augardente.}

^{O sábado, 27, día central da festa terá, ademais, coma un dos actos máis relevantes a entrega de premios dos concursos de fotografía e receitas do “Agosto Gastronómico”, o Concurso da Caña do País, Embelecer Valga, Concurso para elixir o cartel anunciador, mellores tapas e gañadores dos vales de compra da Ruta “Tapa a Anguía”.  O pregón da festa correrá a cargo do historiador Anxo Rodríguez Lemos, recente gañador do Premio de Investigación Xesús Ferro Couselo.}

^{No apartado de actuacións, está previsto un concerto da Banda Municipal de Valga, ademais das orquestras Panorama e Alkar.}

^{PROGRAMA DE ACTIVIDADES}

^{Sábado, 20 de agosto:}

• ^{De 12:00 a 15:00 e de 20:00 a 23:00 horas: IX Ruta-Concurso “Tapa a Anguía” nos bares Pardal, Praia fluvial de Valga, Caprichos, Maneiro, Potel, O Pontellón, Couceiro, Auditorio, Comparada e Alba.}

^{Domingo, 21 de agosto}

• ^{De 12:00 a 15:00 horas: IX Ruta-Concurso “Tapa a Anguía” nos bares Pardal, Praia fluvial de Valga, Caprichos, Maneiro, Potel, O Pontellón, Couceiro, Auditorio, Comparada e Alba.}

^{Mércores, 24 de agosto:}

• ^{21:00 horas: Showcooking “Universo Anguía” no Centro de Interpretación da Caña do País.}

^{Xoves, 25 de agosto:}

• ^{20:00 horas: Precata do Concurso Tradicional da Caña do País, no Centro de Interpretación da Caña}
• ^{A continuación: sorteo dos vales de compra da Ruta “Tapa a Anguía”}

^{Venres, 26 de agosto:}

• ^{20:00 horas: Presentación da botella conmemorativa da XXXII Mostra da Caña do País.}
• ^{20:15 horas: Cata final do Concurso Tradicional da Caña do País, no Centro de Interpretación da Caña}

^{Sábado, 27 de agosto:}

• ^{De 12:00 a 15:00 e de 20:00 a 23:00 horas: IX Ruta “Tapa a Anguía” nos bares Pardal, Praia fluvial de Valga, Caprichos, Maneiro, Potel, O Pontellón, Couceiro e Auditorio.}
• ^{16:00 horas: Festa infantil con xogos e inchables no Parque Irmáns Dios Mosquera}
• ^{17:00 horas: Demostración de destilado tradicional da augardente no Centro de Interpretación da Caña.}
• ^{19:00 horas: Recepción de autoridades na Casa do Concello.}
• ^{20:00 horas: Pregón a cargo do historiador Anxo Rodríguez Lemos, gañador do Premio Xesús Ferro Couselo 2022.}
• ^{20:15 horas: Entrega de premios aos gañadores dos concursos “Valga. Anguía, caña e camiño”, Concurso da Caña do País, Embelecer Valga, Concurso do cartel anunciador, Tapas gañadoras da Ruta-Concurso Tapa a Anguía, vales de compra da Ruta “Tapa a Anguía.}
• ^{20:45 horas: Actuación da Banda Municipal de Valga.}
• ^{21:30 horas: Degustación de tapas de anguía e cócteles feitos con caña do país.}
• ^{22:30 horas: Actuación da orquestra Alkar.}
• ^{00:00 horas: Queimada popular con conxuro a cargo de Troula Animación.}
• ^{00:30 horas: Espectáculo de fogos e luces.}
• ^{Actuación das orquestras Panorama e Alkar.}

^{Domingo, 28 de agosto.}

• ^{De 12:00 a 15:00 horas: IX Ruta-Concurso “Tapa a Anguía” nos bares Pardal, Praia fluvial de Valga, Caprichos, Maneiro, Potel, O Pontellón, Couceiro e Auditorio.}
• 
•