- Ademais, prepararon unha sobremesa: bolas de galleta cubertas de chocolate e coco

- O concurso Anguía Chef e o showcooking “A caña no prato” teñen aberto o prazo de inscrición

ObraCociña22 1

Valga, 4 de agosto de 2022.

Os máis cativos puxeron onte o mandil e o gorro de cociñeiros nunha nova actividade do Agosto Gastronómico: un obradoiro infantil no Parque Irmáns Dios Mosquera que contou coa participación dunha vintena de rapaces.

Os minichefs descubriron que a anguía pode prepararse de múltiples formas e, algunhas delas, moi apetecibles para eles e cunha elaboración moi divertida e doada. Como exemplo as hamburguesas que prepararon durante o obradoiro, empregando ingredientes como pataca cocida, pan raiado e, como non, anguía, que eles mesmos tiveron que desespiñar.

Mesturándoos todos fixeron unha amalgama á que deron forma de hamburguesa e que os chefs encargados da actividade –Rocío Garrido, Fran Jamardo e Coque Fariña– cociñaron no Centro de Interpretación da Caña para que puideran comelas ou levalas para as súas casas.

E como colofón a este taller, os pequenos cociñeiros prepararon unha deliciosa sobremesa: unhas bolas feitas con galleta esmigallada e queixo e recubertas con lascas de chocolate e coco.

Nas vindeiras semanas continuarán as actividades do Agosto Gastronómico. As máis inminentes o concurso Anguía Chef, dirixido á mocidade, e o showcooking “A Caña no Prato”. Ambos teñen aberto o prazo de inscrición.

ObraCociña22 2 ObraCociña22 3 

ObraCociña22 4 ObraCociña22 5

ObraCociña22 6

boton facebookboton twitter   boton youtube

boton cita previa sede

boton sede electronica

boton bandos

boton rueiro

boton tempo

Volver