- O prazo de inscrición permanecerá aberto ata o día 10 de abril

- Impartirase en sesións semanais fixadas para os venres a partir das 20 horas

 ^{Valga, 15 de marzo de 2018.}

^{O Servizo de Formación, Orientación e Emprego do Concello de Valga organiza unhas xornadas formativas sobre “Atención sociosanitaria a persoas dependentes” que se impartirán no Auditorio Municipal. Está aberto o prazo de inscición para as persoas que queiran participar na actividade, que terá unha duración de trinta horas e se desenvolverá entre o 13 de abril e ata o 22 de xuño con sesións semanais fixadas os venres ás 20 horas.}

^{Os asuntos que se tratarán nas xornadas son os seguintes:}

^{1. ASEO E HIXIENE DA PERSOA DEPENDENTE: familiarizar ás persoas participantes coas características e necesidades de coidados hixiénicos das persoas maiores e/ou dependentes, coas técnicas de aseo persoal e hixienización da cama.}

^CONTIDOS:    

• ^{A pel da persoa anciá. Características específicas.}
• ^{Coidados principais da pel da persoa dependente.}
• ^{Necesidades hixiénicas da persoa dependente en función do estado de saúde e nivel de dependencia.}
• ^{Aseo e hixiene de persoas con mobilidade reducida}
• ^{Aseo e hixiene da persoa acamada}
• ^{Axudas técnicas para o aseo.}
• ^{Hixiene da boca}
• ^{Hixiene de usuarios incontinentes, sondados e colostomizados}
• ^{Cambio de cueiro}
• ^{Limpeza e conservación de próteses.}
• ^{Hixienización e cambio de roupa da cama coa persoa acamada}

^{2. AXUDA Á DEAMBULACIÓN, TRASLADO DA PERSOA DEPENDENTE EN CADEIRA DE RODAS EN ENTORNOS NON ACCESIBLES: familiarizar ás persoas participantes co uso de muletas, andadores, cadeira de rodas e outras axudas técnicas para a deambulación e o emprego destas en entornos non accesibles como escaleiras, beirarrúas, pendentes, etc.}

^CONTIDOS:    

• ^{Deambulación con muletas, e andadores}
• ^{Técnicas para a entrada e saída da persoa con mobilidade reducida en vehículo convencional}              
• ^{Manexo da cadeira de rodas con persoas dependentes.}
• ^{Traslado da persoa dependente en cadeira de rodas en entornos non accesibles,  (escaleiras, pendentes pronunciadas, aceras, etc)}

^{3. POSICIÓNS ANATÓMICAS E MOBILIZACIÓNS DA PERSOA ACAMADA: familiarizar ás persoas participantes coas posicións anatómicas na cama e coas técnicas de mobilización da persoa acamada para a prevención de lesións e riscos na persoa coidadora} 

^CONTIDOS:  

• ^{Posicións anatómicas básicas}
• ^{Mobilización e cambios de posición para a realización do aseo na cama}
• ^{Cambios posturais da persoa acamada e frecuencia para a prevención de UPP.}
• ^{Transferencias cama – cadeira de rodas e viceversa.}
• ^{Transferencias cadeira de rodas – ducha ou WC e viceversa.}

^{4. MOBILIZACIÓN E TRANSFERENCIAS DA PERSOA ACAMADA CON GRÚA XERIÁTRICA: familiarizar ás persoas participantes co funcionamento e o uso da grúa xeriátrica para mobilizacións e transferencias básicas da persoa acamada.} 

^CONTIDOS:  

• ^{A grúa xeriátrica. Partes, funcionamento e usos.}
• ^{Mobilización da persoa acamada co emprego da grúa.}
• ^{Transferencias da persoa acamada con grúa}

^{5. ÚLCERAS POR PRESIÓN NA PERSOA DEPENDENTE. PREVENCIÓN E TRATAMENTO: familiarizar ás persoas participantes cos tipos de úlceras por presión, curas, tratamento, incidindo de maneira significativa nas medidas para evitar que se produzan e na vixiancia para detectar os primeiros síntomas.}

^CONTIDOS:   

• ^{Qué son as úlceras por presión (UPP) e por qué se producen}
• ^{Tipos e graos de UPP}
• ^{Zonas de especial atención e coidado.}
• ^{Curas das UPP}
• ^{Medios, utensilios e accesorios para evitar as UPP}

^{6. A DIABETE. PRECAUCIÓNS E ACTUACIÓNS CO USUARIO DIABÉTICO: familiarizar ás persoas participantes coa diabete e a actuación diaria domiciliaria coas persoas dependentes afectadas por esta doenza.}

^CONTIDOS:  

• ^{Tipos de diabete.}
• ^{Características do usuario diabético.}
• ^{Toma e interpretación dos niveis de glicemia}
• ^{Administración de insulina}
• ^{Efectos da diabete nos pés. Precaucións e coidados.}
• ^{Alimentación da persoa afectada pola diabete.}

^{7. A COMUNICACIÓN E O TRATO COA PERSOA DEPENDENTE. TÉCNICAS DE MODIFICACIÓN DE CONDUTA: familiarizar á coidadora coas pautas de comunicación básicas e as técnicas de modificación de conducta para poñer en práctica con persoas usuarias do servizo que presenten condutas inapropiadas que dificultan o traballo diario no domicilio.}

^CONTIDOS:  

• ^{Habilidades sociais e comunicativas básicas para a persoa coidadora}
• ^{Mantemento e entrenamento de hábitos de autonomía psicosocial en situacións cotiás no domicilio.}
• ^{Técnicas de resolución de conflitos}
• ^{Procedementos e estratexias de modificación de conduta}

^{O prazo de inscrición estará aberto ata o día 10 de abril. As persoas que queiran recabar máis información sobre as xornadas poden dirixirse ao Servizo de Formación, Orientación e Emprego ou ao Auditorio Municipal.}