- A actividade deportiva estreouse esta mañá e prolongarase ata o sábado

- Rafa Murgui, da escola do Valencia C.F., dirixe as sesións de adestramento

^{Valga, 11 de xullo de 2022.}

^{Corenta e tres nenos e mozos, de entre 6 e 18 anos de idade, danse cita esta semana no campo municipal de Baño para participar no campus de fútbol organizado entre o Cordeiro e o Valencia C.F.}

^{É a segunda edición desta actividade, que deu comezo esta mañá e se prolongará ata o sábado, con dobre sesión de adestramento cada día dirixidas por Rafa Murgui, adestrador da escola do Valencia C.F. O obxectivo é “intentar implantar a nosa metodoloxía e exportar o noso modelo, baseado no lema ‘Educar persoas, formar futbolistas’. Que os nenos o pasen ben con nós a través de adestramentos individualizados nos que terán moito contacto co balón”.}

^{Nas sesións desenvolverán diferentes tarefas para mellorar as súas habilidades técnicas e tácticas e, ao remate de cada xornada, disputarán un partido no que por en práctica as aprendizaxes adquiridas.}

^{José Ramón Seco, presidente do Cordeiro, destaca que trala experiencia inicial do ano pasado, “o Valencia amosou moito interese en poder repetir”, como tamén confirma Rafa Murgui: “O ano pasado rematamos encantados de como se desenvolveu o campus e gustounos moito o modelo do Cordeiro, cos pais e familias dos xogadores moi involucrados no club”.}