- Os 79 rapaces das escolas rurais embarcaron en Vilagarcía e fixeron o percorrido ata Vilarello, onde os agardaban as súas familias

- Hai uns días xa percorreran a pé a outra Ruta Xacobea que discorre por Valga: o Camiño Portugués

^{Valga, 17 de xuño de 2022.}

^{O alumnado do CRA de Valga continúa coa súa particular inmersión no Camiño de Santiago e, en concreto, nas distintas rutas que discorren por Valga.}

^{Se hai uns días os rapaces das escolas de Campaña, Forno, Ferreirós, Vilarello, Chenlo e Xanza percorreron a pé o Camiño Portugués entre O Pino e San Miguel, onte gozaron dunha xornada moi especial na que descubriron a ruta marítimo-fluvial da Ría de Arousa e Río Ulla. A coñecida como “Traslatio”, ruta pola que, segundo a tradición, chegaron a Galicia os restos do Apóstolo Santiago e considerada ao orixe de todos os camiños de Santiago.}

^{A xornada foi completa, con saída pola mañá dende a estación de tren de Pontecesures ata Vilagarcía, onde os nenos e os seus mestres asistiron a unha sesión de cine. Ao remate da película, comeron na praia e, a continuación, subiron ao catamarán para iniciar o remonte do Ulla. Os 79 alumnos das seis escolas pasárono en grande na cuberta da embarcación, gozando coa experiencia e coas paisaxes ao tempo que lles explicaban os distintos lugares polos que ían pasando.}

^{O desembarco tivo lugar no pantalán da praia fluvial de Vilarello, onde as familias os estaban agardando.}