- Víronse afectados vinte e catro farois e o Concello terá que repoñer uns 1.000 metros de cable

- Os feitos foron denunciados ante a Garda Civil, que está a investigar o acontecido

roubocable

Valga, 10 de xaneiro de 2022.

O Concello vén de denunciar ante a Garda Civil un roubo de cable de cobre que afectou á instalación eléctrica do Parque Irmáns Dios Mosquera, que nestes días se atopa parcialmente sen iluminación debido a este contratempo.

Os feitos tiveron lugar nos primeiros días do novo ano, entre o 31 de decembro e o 4 de xaneiro, segundo os datos cos que contan as forzas de seguridade. O ladrón ou ladróns extraeron arredor de 1.000 metros de cable que estaba canalizado, abrindo as tapas dos farois e cortando a mangueira de cobre para despois sacala. En total, víronse afectados vinte e catro farois do parque, que actualmente permanecen sen luz á espera de que se leven a cabo as reparacións precisas.

O roubo causou uns danos ao patrimonio público de 7.598 euros, unha cantidade que inclúe o cable subtraído e que o Concello terá que repoñer, así como danos nas caixas de fusibles e outros estragos no cadro eléctrico.

O Concello fai un chamamento á veciñanza, especialmente aos residentes neste entorno e ás persoas que estiveron ou pasaron polo parque durante a fin de semana de fin de ano, para que se poñan en contacto coas forzas de seguridade se viron algún movemento estraño que puidera estar relacionado e poida axudar a esclarecer o sucedido.

Roubos similares xa se produciron noutras ocasións en máis espazos públicos de Valga, polo que “apelamos á colaboración da xente para que, cando vexa algo sospeitoso, avise á Garda Civil ou a Protección Civil” para que poidan actuar con prontitude, indica o alcalde, José María Bello Maneiro.

roubocable2

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver