- A agrupación valguesa estivo dirixida por Diego Fortes

- Unha integrante da agrupación leu un manifesto contra a violencia de xénero antes da actuación

^{Valga, 27 de novembro de 2021.}

^{O concerto “Música contra a violencia” pechou esta tarde o programa de actividades conmemorativas do Día Internacional para a eliminación da violencia contra a muller. A actuación correu a cargo da Banda de Música Municipal que, ademais, celebrou a festividade de Santa Icía, patroa dos músicos.}

^{O evento tivo lugar no Auditorio Municipal e deu comezo coa lectura a cargo de Rosalía, unha integrante da Banda, dun manifesto contra a violencia de xénero escrito por ela mesma. A continuación, comezou a soar a música da agrupación municipal, dirixida nesta ocasión por Diego Fortes.}

^{Interpretaron os temas “Sangre de Artista” de Jaime Teixidor, “Theatre Music” de Philip Sparke, “A pedra da serpe”, composta por José Luis Represas, “La Comparsita”, “Coldplay classics” e “God save the Queen”.}

^{Durante o concerto, a asociación Musival sorteou dúas cestas de Nadal entre as persoas que asistiron.}