- Terá unhas dimensións de 20x10 metros e contará con céspede artificial e farois parabólicos

- Investiranse nesta infraestrutura deportiva 48.400 euros do Plan Concellos 2021

^{Valga, 5 de xaneiro de 2022.}

^{O Concello sacou a contratación a construción dunha nova infraestrutura deportiva: unha pista de pádel a construír no entorno do pavillón de Cordeiro.}

^{O goberno municipal é consciente de que o fomento da práctica deportiva e da actividade física debe conlevar unha mellor dotación de infraestruturas, de forma que permitan dar satisfacción á demanda social existente.}

^{De aí que decidira investir 48.400 euros na creación desta pista de pádel a ubicar nunha zona, situada xunto ao pavillón, que actualmente está sen uso. A pista terá unhas dimensións de 20 x 10 metros. Instalarase de forma modular e estará formada por unha estrutura de postes de aceiro, vidro templado homologado de 10 milímetros, céspede artificial, rede de nailon con tensor, farois parabólicos, focos led e cuberta a unha auga de chapa simple.}

^{Será a segunda pista municipal para xogar ao pádel que se instale en Valga, trala existente na área deportiva de Campaña. O financiamento procederá do Plan Concellos 2021 da Deputación.}

^{As empresas que queiran presentar oferta para optar á adxudicación das obras teñen de prazo ata o 25 de xaneiro.}