- A mostra pode verse no Auditorio Municipal durante todo o mes de febreiro

- Ramiro González, Adonis Ríos, Esmeralda L. Castro, Ana Rozas, Ánxela Taboada, Maria Pino, Maite Miñambres e Josina Gancedo son os autores das fotografías

^{Valga, 8 de febreiro de 2022.}

^{A exposición “Paso a paso”, que dende comezos do mes de febreiro pode verse no Auditorio Municipal, foi inaugurada onte polo alcalde, José María Bello Maneiro, ao que acompañou a concelleira Begoña Piñeiro. Ao acto asistiron, ademais, os protagonistas desta mostra colectiva, oito fotógrafos galegos que unen as súas obras neste proxecto comisariado por Fuco Reyes, mestre de todos eles.}

^{Ramiro González, Adonis Ríos, Esmeranda L. Castro, Ana Rozas, Ánxela Taboada, Maria Pino, Maite Miñambres e Josina Gancedo son os fotógrafos que aportan imaxes á exposición, tres cada un. En total, vinte e catro obras que seguen un fío condutor para acadar que “o espectador se meta dentro de cada imaxe e vexa ese mundo que intentamos crear”. Hai diferentes estilos, diversas temáticas pero que teñen a súa conexión: son traballos moi persoais, “saídos da barriga”, sinalou Ramiro González, que remarcou que o Auditorio de Valga é a primeira sala de mostras na que recala “Paso a Paso” e agradeceu ao Concello as facilidades dadas dende o primeiro momento.}

^{O alcalde, como é tradicional cada vez que se inaugura unha exposición, fixo entrega aos fotógrafos dunha réplica do cartel anunciador. Ademais, Bello Maneiro felicitounos polo seu traballo, de gran nivel e “moi diferente ao que estamos acostumados a ver” no Auditorio. Por iso anima a todos os veciños a que non perdan a oportunidade de velo.}