- Visitaron a sede da entidade en Santiago, un antigo curtidoiro rehabilitado á beira do río Sarela

- Recibiron información sobre a bolsa de emprego que xestiona a Fundación e entregaron os seus currículos

FundacionConstrucion1

Valga, 7 de outubro de 2021.

O alumnado do módulo de albanelería do Obradoiro de Xóvenes Moraña-Valga participou onte nunha acción formativa na sede da Fundación Laboral da Construción de Galicia. Os aprendices desprazáronse a Santiago de Compostela acompañados polo experto docente da súa especialidade, a directora do Obradoiro e a administrativa.

Á súa chegada á Fundación foron recibidos pola orientadora laboral, o técnico de emprego e o arquitecto da entidade, que os guiaron polas instalacións. Estas emprázanse en Pontepedriña de Arriba, á beira do río Sarela, nun antigo curtidoiro que foi rehabilitado. Os representantes da Fundación explicáronlles aos alumnos como se levou a cabo a recuperación do antigo taller de peles, conservando a tipoloxía construtiva pero adaptándoa ás necesidades propias da Fundación.

A visita incluíu unha xornada de orientación na que se explicaron as actividades formativas que a Fundación Laboral da Construción leva a cabo dende a súa fundación e proxectouse un vídeo con algunhas das técnicas máis vangardistas que se empregan neste sector. Os participantes no Obradoiro tamén foron informados sobre a bolsa de emprego que xestiona a Fundación e entregaron os seus currículos co obxectivo.

Dende a dirección do Obradoiro, conxuntamente cos departamentos de Orientación Laboral dos concellos de Valga e Moraña, estase a traballar na inserción laboral do alumnado, realizando contactos con diferentes empresas relacionadas coas dúas especialidades que se imparten: albanelería e forestais. Froito deste traballo, un alumno do módulo de forestais foi contratado esta semana nunha empresa da comarca.

O Obradoiro Xóvenes Moraña-Valga, que deu comezo en novembro de 2020 e ten un ano de duración, está a piques de rematar a súa actividade. Contou coa participación de dezaseis mozos desempregados dos dous municipios promotores e foi cofinanciado polo Fondo Social Europeo nunha porcentaxe do 91’89%, a través do Programa Operativo 2014-2020.

FundacionConstrucion2 FundacionConstrucion3

FundacionConstrucion4

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver