- É unha actividade complementa á formación teórica e práctica que levan meses recibindo

- Nesta acción formativa, que se clausurará nas vindeiras semanas, participan dezaseis mozos desempregados

XóvenesVisitas1

Valga, 4 de outubro de 2021.

O alumnado de forestais do Obradoiro de Xóvenes Moraña-Valga, acompañado polo experto docente desta especialidade, a administrativa e a directora, participou o pasado venres en varias visitas formativas.

Achegáronse en primeiro lugar á Estación Fitopatolóxica do Areeiro, que presta un servizo de asesoramento ao sector agrícola en relación ás pragas e enfermidades que afectan aos diferentes cultivos e sobre as medidas de protección e control para evitar perdas a consecuencia destes patóxenos. Outra das liñas de traballo desta estación é a recuperación de variedades autóctonas galegas.

No recinto foron recibidos polo deputado provincial Manuel González, asistiron a unha charla sobre pragas e visitaron as distintas plantacións da finca.

A continuación, os aprendices do Obradoiro trasladáronse ao Centro de Investigación Forestal de Lourizán. Durante a visita guiada pola finca, dunhas 52 hectáreas de superficie, puideron coñecer algunhas das especies coas que alí se traballa. O CIF de Lourizán foi pioneiro no desenvolvemento e posta en práctica de produtos e tecnoloxías forestais. Nos seus máis de 75 anos de historia desenvolveu multitude de proxectos en diferentes áreas da investigación forestal, convertíndose nun dos principais axentes dinamizadores e divulgadores do sector forestal en Galicia.

Estas visitas son complementarias á formación teórica e práctica que veñen recibindo dende hai meses os alumnos do Obradoiro de Emprego. Neste proxecto, compartido polos concellos de Valga e Moraña, participan dezaseis mozos desempregados, nas especialidades de albanelería e forestais, co obxectivo de favorecer a súa inserción no mercado laboral.

O proxecto está cofinanciado polo Fondo Social Europeo nunha porcentaxe do 91’89%, a través do Programa Operativo 2014-2020.

XóvenesVisitas2 XóvenesVisitas3

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver