- Situarase no trazado do Camiño Portugués, nas inmediacións do albergue

- Contará con pavimento de granito, unha marquesiña, mesas e bancos de madeira

^{Valga, 28 de setembro de 2021.}

^{Os peregrinos que realizan o Camiño Portugués contarán proximamente cunha nova área de descanso no lugar do Pino na que poderán coller folgos para continuar coa súa viaxe ata Santiago.}

^{Esta acción de embelecemento e posta en valor da Ruta Xacobea vén de ser adxudicada á empresa Construcións Martínez Lemos S.L. por un importe de case 20.000 euros. Para financiar as obras o Concello conta cunha subvención da Xunta a través da Axencia Turismo de Galicia.}

^{Crearase unha zona cuberta mediante a instalación dunha marquesiña que servirá como punto de selado de credenciais e proporcinoará abrigo para os camiñantes, que poderán descansar e guarecerse da excesiva calor na época estival e das chuvia no inverno.}

^{Tamén se colocará mobiliario, coma unha mesa e bancos de madeira, así coma papeleiras. O pavimento será de granito sobre base de formigón.}

^{Esta área situarase a apenas 200 metros do albergue, co obxectivo de fomentar tamén o seu uso por parte dos peregrinos.}

^{O Camiño constitúe hoxe en día un dos principais recursos turísticos de Valga, polo que o goberno local é consciente da necesidade de ofrecer unha ruta atractiva para que os camiñantes se sintan convidados a escoller algunha das variantes que discorren polo noso termo municipal, pernocten e pasen o maior tempo posible no concello.}