- Na primeira cita, o día 16, actuarán os músicos finalistas do concurso internacional

- O cuarteto Matangi e a pianista Ilona Timchenko serán os artistas que participarán no concerto do 20 de setembro

auditorioooo

Valga, 13 de setembro de 2021.

Valga é unha das sete localidades galegas nas que se desenvolve a XI edición do Festival “Peregrinos Musicais”, que ten programados dous eventos para os vindeiros días no Auditorio Municipal.

O primeiro concerto terá lugar este xoves, día 16, e estará protagonizado por seis xóvenes promesas que son os finalistas do concurso internacional “Peregrinos Musicais”. As actuacións darán comezo ás 20:00 horas e correrán a cargo de Sira Pellicer (saxofón), Xurxo Morales (saxofón), Alberto Sanz (violín), Emma Naegele (cello), Maddi Arriola (violín) eAlexandre Arurtyunyan (violín). Interpretarán obras de Chopin, Wieniawski e Tchaikovsky, entre outros, co acompañamento ao piano de Brais González.

A segunda actuación está fixada para o luns, día 20, tamén a partir das 20:30 horas. Subirán ao escenario o cuarteto holandés Matangi e a recoñecida pianista Ilona Timchenko, con máis de 20 premios ao longo da súa traxectoria e que actuou con algunha das orquestras máis prestixiosas de Europa. É, ademais, mestra do Centro Superior de Música de Valga.

As entradas para o concerto  do día 16 serán de balde e as do día 20 están á venda por un prezo de entre 6 e 9 euros.

 

PHOTO 2021 09 16 10 42 03

 

 

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver