- Ademais da reparación do firme, limpáronse as cunetas e mellorouse a recollida de augas pluviais

- As obras leváronse a cabo dentro do Plan Marco de mellora de camiños municipais

^{Valga, 18 de agosto de 2021.}

^{O Concello e a Consellería do Medio Rural veñen de investir 48.397’25 euros na mellora dunha pista municipal que discorre entre os lugares de Sixto e O Carballiño, na parroquia de Xanza. A actuación incluíuse dentro das obras subvencionadas polo Plan Marco, que ten entre os seus obxectivos o acondicionamento de camiños de titularidade municipal para favorecer a mobilidade nas zonas rurais.}

^{A vía acondicionada discorre entre a estrada provincial EP-8503 (Cordeiro-Senín), á altura de Sixto, e outra estrada municipal no Carballiño, comunicado ámbalas dúas e dando servizo, en todo o seu percorrido, a parcelas agrícolas que agora contarán cun mellor acceso.}

^{As obras executáronse nunha lonxitude de 550 metros e incluíron a limpeza de cunetas, mellora da recollida de augas pluviais, colocación de tubos nos sumidoiros e a reparación do firme e aglomerado do mesmo.}