- Dúas anguías e unha botella de caña “caseira” son os elementos centrais da obra

- Os estudantes gañadores recibirán 200 euros en vales de compra para material escolar

^{Valga, 11 de agosto de 2021.}

^{Un debuxo feito polo alumnado de 5º curso de Educación Primaria do colexio Xesús Ferro Couselo será o cartel anunciador da XXXI edición da Festa da Anguía e Mostra da Caña do País.}

^{A obra reproduce o escudo oficial de Valga, aínda que cambiando algúns dos seus elementos para deixar espazo aos produtos protagonistas da festa. Así, o cordeiro foi substituído por unha botella de “caña caseira do país” e, a ambos lados, en lugar das cordas aparecen dúas anguías.}

^{O segundo premio do certame recaeu na aula de 6º de Primaria do mesmo centro educativo, o Ferro Couselo. No debuxo aparece un cartel pendurado dun poste de madeira e nel represéntanse un alambique e un grupo de anguías que invitan a acudir ás actividades da Festa da Anguía e Mostra da Caña do País.}

^{Por último, o terceiro premio foi para Lois Trasende Gómez, de 2º curso de Primaria do colexio de Baño, que presentou un debuxo dunha romería popular galega animada por uns gaiteiros e na que un grupo de persoas comen anguía e beben caña á beira dun río.}

^{Os autores das tres obras premiadas recibirán vales de compra por valor de 200, 150 e 100 euros respectivamente para a adquisición de material escolar.}