- Ten cinco metros de eslora e empregarase para búsquedas no río, acompañamento de rutas fluvias e vixilancia na praia de Vilarello

- O novo equipamento permitirá ofrecer un mellor servizo en beneficio da seguridade da veciñanza

^{Valga, 27 de febreiro de 2018.}

^{O servizos de emerxencias do Concello de Valga contan cunha nova embarcación pneumática aportada pola Xunta de Galicia co obxectivo de mellorar a resposta ante eventuais emerxencias acuáticas e reforzar, deste xeito, a labor fundamental que realizan dotándoos de máis medios e recursos.}

^{A embarcación semirríxida ten cinco metros de eslora e motor de 60 cv e conta, ademais, con remolque. Empregarase en operativos de búsqueda no río, no acompañamento de rutas fluviais e tamén en labores de apoio ao Sapraga (Plan de salvamento en praias) durante o verán na praia fluvial de Vilarello, ademais doutras posibles intervencións en medio acuático.}

^{Os servizos de emerxencias de Valga xa contaban con outra embarcación, aínda que vella (data do ano 2000) e máis pequena, de tres metros de eslora e motor de 25 cv.}

^{Ademais da nova embarcación, o Grupo de Emerxencias e a agrupación de voluntarios de Protección Civil recibiron recentemente e tamén da Xunta de Galicia un desfibrilador. Estes equipamentos permitirán ofrecer un mellor servizo en beneficio da seguridade dos veciños.}