Accessibility Tools

NOVAS DO CONCELLO

- Contacontos, maxia e monicreques foron algunhas das iniciativas que se levaron a cabo no CRA, nos colexios e no IES

- A responsabilidade de alumnos, familias e profesorado permitiu que o curso, marcado pola pandemia, se desenvolvera con relativa normalidade

FinCurso1

Valga, 22 de xuño de 2021.

Os centros educativos valgueses celebraron esta mañá o remate do curso con distintas iniciativas culturais e lúdicas para o seu alumnado.

As escolas unitarias, os colexios de Infantil e Primaria e o IES de Valga pechan así un curso académico marcado pola pandemia pero que lograron desenvolver con relativa normalidade grazas á responsabilidade dos estudantes, as familias e os equipos docentes e directivos á hora de cumprir os protocolos anti-covid. Por iso as celebracións cobran se cabe maior significado.

Os rapaces do CRA de Valga festexaron o remate das clases nas súas respectivas escolas (Campaña, Forno, Ferreirós, Vilarello, Xanza e Chenlo), cun encontro coas familias e coa realización de obradoiros, xogos e manualidades, ademais de merendas saudables. Deron por clausurado tanto o curso como o proxecto desenvolvido este ano no centro, “Valga en Camiño”, e celebraron un acto de graduación e despedida do alumnado de 5 anos que en setembro comeza un novo ciclo educativo nos colexios.

O CEP Xesús Ferro Couselo contou co contacontos Ignacio Vilariño para amenizar a mañá. O seu espectáculo “Rodari, rodari” reuniu a todos os alumnos do colexio no patio cuberto. Ademais, os estudantes de 4ºB fixeron unha representación teatral da obra “As laranxas máis laranxas de todas as laranxas”, de Carlos Casares. O punto e final ás actividades púxoo o acto de despedida dos alumnos de 6º de Primaria, que deixan o colexio para iniciar a súa etapa no instituto. Reuníronse no ximnasio onde se proxectou un vídeo sobre a súa etapa no centro e recibiron un agasallo de despedida.

No CEIP Plurilingüe Baño-Xanza houbo diversidade de actividades, comezando por obradoiros e xogos populares coma o aro, a ra ou os bolos. Ata o centro achegouse o mago Dani Polo, que realizou varios pases do seu espectáculo de ilusionismo no ximnasio. Algúns alumnos tiveron a ocasión de participar nos trucos e experimentar por uns momentos a sensación de facer maxia. Mentras, os máis cativos de Educación Infantil divertíronse con inchables no pavillón municipal.

Por último, no IES de Valga elixiron como despedida dous espectáculos de monicreques e contos. Títeres Alakrán puxo en escena “Barrigaverde ataca de novo”, unha función de humor sobre a idiosincrasia galega aínda que adaptada ao mundo contemporáneo. Outra das artistas convidadas foi Alba Grande, co seu espectáculo de xograría “Contos para derreter a cera”, no que combinou historias, canto e outras disciplinas.

Durante a mañá tamén houbo obradoiros a cargo de Animación Sociocultural Nydia e actuacións do alumnado de Música. Ademais, a ANPA Bella Otero quixo contribuír á festa aportando petiscos para o alumnado que foron elaborados polo servizo de cafetería do centro.

FinCurso2 FinCurso3

         FinCurso4            FinCurso5

FinCurso6 FinCurso7

FinCurso8 FinCurso9

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver