- Combinaranse zonas con grava e con céspede artificial e plantaranse árbores e especies aromáticas

- Tamén se instalará mobiliario e un cartel explicando o proceso de compostaxe

^{Valga, 24 de abril de 2021.}

^{A empresa Construcións Lemos Martínez S.L. está a executar dende hai uns días traballos de acondicionamento do entorno do centro de compostaxe comunitario instalado na rúa Doutor de Oya Salgueiro.}

^{As obras lévanse a cabo no marco do Plan Revitaliza, no que colaboran o Concello e a Deputación e a través do que se está a promover en Valga a reciclaxe dos residuos orgánicos a través da compostaxe.}

^{O proxecto de acondicionamento conleva o embelecemento do entorno do centro de compostaxe combinando zonas con céspede artificial e outras con grava. Crearanse unhas bancadas con diferentes plantas aromáticas e plantaranse árbores. Tamén se instalará mobiliario urbano, coma bancos, e colocarase un cartel no que se explicará como se leva a cabo o proceso de compostaxe dos biorresiduos. Por último, está previsto pintar no chan un peletre no que poidan xogar os nenos da zona.}