- Instalaranse colectores en diversos lugares de Cordeiro, Xanza, Setecoros e Valga

- A nova infraestrutura permitirá evacuar as augas residuais procedentes das viviendas e eliminar pozos negros

^{Valga, 29 de marzo de 2021.}

^{O Concello vén de formalizar o contrato coa empresa Construcións, Obras e Viais (Covsa) para executar obras de ampliación da rede municipal de saneamento nas parroquias de Cordeiro, Xanza, Setecoros e Valga.}

^{O proxecto recén adxudicado suporá un investimento de 167.232’62 a través do programa provincial Plan Concellos 2020. Inclúe obras de colocación de colectores en diferentes lugares das parroquias mencionadas.}

^{Os colectores realizaranse con tubaxe de PVC de 315 milímetros de diámetro interior para a evacuación das augas residuais procedentes das vivendas, eliminando así os pozos negros e fosas sépticas existentes e reducindo posibles focos de contaminación ambiental. Tamén se instalarán os correspondentes pozos de rexistro para posibilitar a inspección, limpeza e acometidas das vivendas.}

^{Con estas obras o goberno local continúa avanzando no seu obxectivo de chegar coa rede municipal de saneamento a todos os lugares do concello.}