Accessibility Tools

NOVAS DO CONCELLO

- As escolas rurais de Valga contarán o vindeiro curso con 76 alumnos, dos cales 32 serán novos

- A centro acolle dende febreiro a unha estudante de maxisterio en prácticas da Rioxa

Visitacra1

Valga, 23 de marzo de 2021.

O alcalde, José María Bello Maneiro, e a concelleira de Educación, Carmen Gómez, fixeron esta mañá un percorrido polas seis escolas que forman parte do Centro Rural Agrupado (CRA) de Valga para comprobar algunhas das melloras levadas a cabo nos últimos meses.

Pintado de portas, reacondicionamento e pintado de aulas, mellora e incorporación de mobiliario ou arranxo de patios foron algunhas das actuacións executadas nas escolas rurais, gran parte realizadas polo propio profesorado coa colaboración das familias e financiadas, nalgúns casos, a través de programas da Consellería de Educación e, noutros, con materiais aportados polo Concello a través de iniciativas como Embelecer Valga.

“É gratificante ver o resultado destas actuacións e comprobar a implicación do persoal docente e das familias do alumnado para que as escolas rurais de Valga estean ao mellor nivel tanto educativo coma en infraestruturas”. Proba deste nivel é o aumento da matrícula que están experimentando as escolas de Campaña, Forno, Ferreirós, Vilarello, Xanza e Chenlo nos últimos anos. Recén pechado o período de admisión de alumnado, o CRA de Valga contará o vindeiro curso con 32 alumnos novos, que sumados aos que continúan de anos anteriores farán un total de 76 alumnos. No curso actual o número de alumnos é de 59.

O proxecto educativo do CRA, baseado na proximidade e cunha ratio pequena de alumnos que permite unha ensinanza máis individualizada e de calidade, ten cada vez máis aceptación entre as familias de Valga e tamén doutros concellos da contorna. Na actualidade xa conta con nenos de Cuntis, Pontecesures ou Catoira e para o próximo curso incorporaranse alumnos de Teo e Caldas de Reis.

Coa mesma estrutura e funcionamento que calquera outro centro educativo público, o CRA de Valga destaca pola adaptación ás características da súa contorna e ás necesidades do alumnado, promovendo un ambiente educativo familiar nun entorno natural próximo que facilita a adaptación dos nenos.

O equipo docente do CRA está formado por:

  • 6 mestras titoras (unha por aula)
  • 2 mestras de apoio á E.I. Prestan apoio ao alumnado na aula xunto coa titora.
  • 1 mestra especialista en Inglés (2 h semanais en cada aula)
  • 1 mestre especialista en Ed. músical (2h semanais en cada aula)
  • 1 mestre especialista en Ed. Física (2h semanais en cada aula)
  • 1 mestra de Relixión Católica
  • 1 orientador
  • 2 coidadoras para o alumnado con necesidades educativas especiais.
  • 1 Auxiliar de Conversa nativa en lingua inglesa que acompaña na docencia á mestra especialista de inglés
  • 1 mestra especialista en Audición e linguaxe para a atención do alumnado con necesidades que ademais realiza unha sesión semanal en cada aula para un programa da estimulación da linguaxe de todo o alumnado).
  • 1 Mestra especialista en Pedagoxía terapéutica que atende ao alumnado con necesidades específicas de apoio educativo que o require.

Ademais, o CRA foi seleccionado pola Fundación Princesa de Girona como un dos 23 centros educativos de toda España que acollen as prácticas de 30 estudantes de Grao a través do proxecto “Generación Docentes”, que pretende formar ao alumnado universitario en escolas do rural de referencia no ámbito educativo. Así, dende o pasado mes de febreiro o CRA incorporou ao seu persoal a unha mestra en prácticas da Rioxa. 

Visitacra2 Visitacra3

Visitacra4

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver