- O xurado reuniuse esta mañá no Salón de Plenos para valorar a todos os participantes

- Os concelleiros de Cultura e Turismo e representantes de asociacións locais formaron parte do tribunal

^{Valga, 15 de febreiro de 2021.}

^{O Concurso de Entroido Virtual xa ten disfraces gañadores. O xurado do certame reuniuse esta mañá no Salón de Plenos para valorar a todos os participantes, un total de vinte e tres, que concorreron ás diferentes categorías que se establecían nas bases.}

^{O tribunal estivo integrado polos concelleiros de Cultura e Turismo, Pedro Calvo e Malena Isorna, e dúas representantes das asociacións Musival e Heroes de Casaldeirigo. Entre as cuestións a valorar polos xuíces atopábanse a orixinalidade, creatividade e imaxinación; o uso de materiais reutilizados; o traballo empregado na elaboración do disfraz; e a presentación.}

^{Os gañadores son os seguintes:}

^{Infantil Individual:}

               ^{- 1º Premio (50 euros): Estela Futuro}

               ^{- 2º Premio (40 euros): Robot Simon}

               ^{- 3º Premio (30 euros): Ramiño de uvas}

               ^{- 4º Premio (20 euros): O Ghato con botas}

^{Infantil Parellas:}

               ^{- 1º Premio (70 euros): Os indios do Outeiriño}

               ^{- 2º Premio (60 euros): Carl Fredricksen e Russell (película Up)}

               ^{- 3º Premio (50 euros): Carapuchiñas en Vilarello}

               ^{- 4º Premio (40 euros): Deserto}

^{Adultos Individual:}

               ^{- 1º Premio (80 euros): Farmacia a domicilio}

               ^{- 2º Premio (70 euros): Emilia Pardo Bazán}

               ^{- 3º Premio (50 euros): Margaret Tatcher}

               ^{- 4º Premio (40 euros): Concepción Arenal}

^{Adultos Parellas:}

               ^{- 1º Premio (100 euros): Cara Pataca}

               ^{- 2º Premio (80 euros): Matando o bicho ca mellor vacina}

               ^{- 3º Premio (60 euros): As dúas en punto trasnoitadas}

               ^{-  4º Premio (40 euros): Deserto}

^{Disfrace máis orixinal (100 euros): Farmacia a domicilio}

^{Mellor disfrace de mulleres representativas da historia (100 euros): Coco Chanel}

^{Disfrace con máis “likes” no Facebook e Instagran do Concello (50 euros): Robot Simon}

^{Os premios entregaranse en vales de compra que poderán ser utilizados no comercio local e terán validez durante todo o ano 2021. Para recoller os vales, os participantes deben acudir á Casa do Concello co seu DNI. No caso de menores de idade, debe actuar como representante algún dos pais ou titores co seu documento de identidade.}

^{O goberno local agradece a todos os participantes a súa implicación nesta iniciativa e valora moi positivamente o nivel de participación dos valgueses. O Concurso de Entroido Virtual foi organizado pola Concellería de Cultura como unha alternativa para poder vivir as festas de Entroido dunha maneira segura e respectando as restricións impostas polas autoridades sanitarias debido á pandemia.}