UN CONCERTO E UN OBRADOIRO DE POSTRES TÍPICOS DAN CONTINUIDADE ÁS CELEBRACIÓNS DO ENTROIDO

NOVAS DO CONCELLO

- Usuarios do CODI, o Coro Infantil, a Banda Peque e o alumando de Música e Movemento actuaron o sábado no Auditorio

- O vindeiro domingo terá lugar o concurso de disfraces no que se repartirán 2.155 euros en premios entre os mellores disfraces

20180212 113751

^{Valga, 12 de febreiro de 2018.}

^{Valga segue inmersa no Entroido con actividades como o obradoiro de postres típicos que tivo lugar esta mañá no CODI e no que os usuarios puxeron o mandil para elaborar orellas que despois degustaron.}

^{Esta iniciativa forma parte da programación de Carnaval deseñada específicamente para o CODI e que mañá continúa cunha saída a Caldas de Reis para asistir a unha sesión de cine. A pasada semana os usuarios participaron noutro obradoiro no que fixeron as súas máscaras de Peliqueiro e traballaron cunha unidade didáctica sobre as celebracións de Entroido máis senlleiras de Galicia.}

^{Os usuarios do CODI participaron tamén o sábado no Concerto de Entroido que tivo lugar no Auditorio e que, ademais, contou coas actuacións do Coro Infantil, da Banda Peque e do alumnado de Música e Movemento e Linguaxe Musical. Tanto os nenos como moitos maiores acudiron disfrazados ao evento e, unha vez rematado, celebrouse unha degustación de orellas, filloas e outras larpeiradas.}

^{O Entroido en Valga terá a súa gran cita o vindeiro domingo, co desfile de disfraces e comparsas nas inmediacións do Auditorio a partir das 17:30 horas. Repartiranse 2.155 euros entre os participantes: disfraces individuais, parellas e grupos ou comparsas. Serán un total de dezaseis os premios que se outorguen e cada un estará dotado coas seguintes cantidades.}

^{Adultos individuais:}