- Os nenos, aos que acompañaron dúas coidadoras, quedaron abraiados coas figuriñas

- O nacemento pode visitarse solicitando cita previa no teléfono 630 95 25 15

^{Valga, 18 de xaneiro de 2021.}

^{Un grupo de alumnos de entre  Escola Infantil Municipal achegouse esta mañá ata o Belén Artesanal en Movemento para gozar desta montaxe declarada de Interese Turístico de Galicia.}

^{Foron un total de dez os nenos que se desprazaron ata Campaña no autobús do Concello para visitar o nacemento. Estiveron acompañados por dúas coidadoras coas que percorreron todo o Belén fixándose en cada detalle, cada cal máis chamativo para os pequenos. Quedaron abraiados con tantas figuriñas e, especialmente, coa parte da montaxe adicada aos cativos, na que puideron ver a moitos dos seus personaxes de debuxos favoritos.}

^{O Belén Artesanal en Movemento permaneceu aberto ao público durante o Nadal con todas as medidas anti-Covid, recibindo máis de 6.000 visitas. Pechou as súas portas o pasado día 10, pero aínda pode verse ata finais do verán solicitando cita previa a través do número de teléfono 630 95 25 15.}