- O concello quedará pechado perimetralmente, a hostalería só poderá atender en terrazas ata as 18 horas e as reunións quedan limitadas a catro persoas non conviventes

- O goberno municipal pide aos veciños que cumpran os protocolos para reducir os contaxios e volver canto antes a unha situación de normalidade

^{Valga, 13 de xaneiro de 2021.}

^{O presidente da Xunta de Galicia, Alberto Núñez Feijóo, deu a coñecer esta mañá as novas medidas para intentar frear os contaxios de Covid-19. Estas restricións entrarán en vigor a partir da medianoite do xoves ao venres, con Valga incluída no nivel máximo ao igual que outros 60 concellos de Galicia, 20 deles na provincia de Pontevedra.}

^{As medidas que se aplicarán en Valga e no resto de concellos do nivel máximo son as seguintes:}

• ^{Valga queda pechada perimetralmente e só se poderá saír do termo municipal para realizar actividades esencias relacionadas con ámbitos coma o laboral, educativo, sanitario e asistencial.}
• ^{O toque de queda establecido ás 22:00 horas}
• ^{A hostalería non poderá ter actividade no interior dos locais. Só se permite o funcionamento de terrazas ata as 18:00 horas e entrega a domicilio.}
• ^{Os comercios poderán abrir, como máximo, ata as 21:30 horas cun aforo do 50%.}
• ^{As reunións públicas e privadas quedan limitadas a catro persoas non conviventes}
• ^{A actividade deportiva non federada poderá realizarse en grupos dun máximo de catro persoas}

^{Ademais destas normas de obrigado cumprimento, as autoridades sanitarias recomendan á poboación un autoconfinamento no que se realicen tan só actividades esenciais (sanitarias, escolares, coidado de persoas dependentes ou compras indispensables) e piden que non se celebren reunións de persoas non conviventes nos domicilios, posto que son un foco importante de contaxios.}

^{Na nosa comarca tamén quedan incluídos neste nivel máximo de restricións e, polo tanto, cos mesmos protocolos en vigor os concellos de Pontecesures, Caldas de Reis e Cuntis.}

^{En Valga hai actualmente activos 60 casos de Covid-19 e o goberno municipal pide á cidadanía que extreme as precaucións e o cumprimento das medidas ditadas por Sanidade. “É fundamental usar a mascarilla, limitar ao máximo o contacto social, manter sempre a distancia de seguridade e non participar en xuntanzas”, remarca o alcalde, José María Bello Maneiro.}

^{A situación actual "é consecuencia das nosas propias actuacións. Fallamos nós durante as celebracións de Nadal, con xuntanzas de familiares e achegados que son a orixe de moitos dos casos detectados. Pero a situación está controlada e os rastreadores están traballando para localizar a todas as persoas que tiveron contacto cos positivos”.}

^{Bello Maneiro pide tamén aos veciños que atendan aos protocolos, informacións e datos oficiais. “Non hai que alarmarse, pero si ter en conta que esta enfermidade se contaxia con facilitade. Por iso é importante cumprir con todos os protocolos para tentar que a finais de mes poidamos entrar de novo en situación de normalidade”.}

^{Por último, o rexedor informa aos valgueses que todos os servizos municipais seguirán funcionando con normalidade e que o Concello está a disposición de todas as persoas que se atopen en situación de confinamento domiciliario para axudalas no que precisen, ao igual que se vén facendo dende a declaración da pandemia no mes de marzo. Estas persoas poden poñerse en contacto do departamento de Servizos Sociais para trasladarlle as súas necesidade.}