- O investimento foi xestionado polo goberno municipal ante a administración autonómica

- O instituto carece de espazos exteriores cubertos, feito que se resolveu provisionalmente coa colocación dunha carpa pagada polo Concello

^{Valga, 29 de decembro de 2020.}

^{Aproveitando o período de vacacións de Nadal nos centros educativos, estanse a realizar no IES de Valga as obras de instalación dunha cuberta nas pistas deportivas exteriores.}

^{Os traballos, que son executados pola empresa Gama e Hijos e estarán rematados a finais desta semana, permitirán dotar de cubrición a zona de bancadas deste patio, situado nun dos laterais do recinto do instituto.}

^{Trátase da primeira fase dun proxecto máis amplo consistirá en cubrir por completo as pistas, para o que o alumnado dispoña dun espazo exterior no que pasar os recreos e agardar antes de entrar ás clases nos días de chuvia.}

^{As obras son financiadas pola Consellería de Cultura, Educación e Universidade. O director do IES de Valga, Eliseu Mera, trasladou o seu agradecemento “ao Concello e, nomeadamente, ao alcalde pola súa colaboración nas conversas coa Consellería” para conseguir que esta actuación se executase. “Actualmente non temos ningún espazo exterior cuberto”, explica o director, “feito que resolvemos provisionalmente coa instalación dunha carpa ata final de curso, cuxos gastos asume o Concello”.}