- Coñeceron alguns dos elementos máis detacados do patrimonio local e achegáronse a figuras coma Ferro Couselo e a Bella Otero

- A técnica municipal Vanessa Losada guiou ao grupo polas dependencias museísticas

^{Valga, 23 de decembro de 2020.}

^{Un grupo de alumnos de Xeografía do 2º curso de Bacharelato do IES de Valga participaron onte nunha visita formativa ao Museo da Historia. Estiveron acompañados polo mestre Juan Carlos Montejano e foron guiados polas instalacións por Vasessa Losada, técnica municipal responsable do Museo.}

^{O obxectivo desta actividade era que os estudantes coñecesen un pouco máis sobre Valga, algunhas das pegadas que a historia deixou neste concello e os persoeiros máis sobranceiros do municipio.}

^{Durante a visita guiada puideron descubrir algúns dos elementos máis peculiares e destacados do territorio valgués, así como os algúns dos vestixios arqueolóxicos que se conservan e que revelan a presenza de distintas civilizacións e culturas. O petróglifo Pedra da Serpe e os xacementos Igrexa Vella e Mercado dos Mouros son algúns dos principais exemplos.}

^{Os estudantes continuaron o seu percorrido polo Museo achegándose ao patrimonio relixioso de Valga e a algunhas das igrexas e bens culturais máis importantes, coma a ara romana do século I que foi achada en 1950 na capela dos Martores ou os peculiares capiteis tardorromanos da igrexa do Divino Salvador de Setecoros.}

^{A última parte da visita centrouse nos personaxes senlleiros, entre eles o Pai Isorna, o investigador Xesús Ferro Couselo e a Bella Otero. A artista da Belle Époque é un dos principais reclamos do Museo, no que ten dedicada unha planta completa que inclúe réplicas de vestidos, material bibliográfico e outros documentos relacionados coa súa traxectoria vital e artística.}