- O alcalde comprobou o estado das obras de enfoscado e revestimento que se levan a cabo no baixo cuberta

- Os aprendices tamén realizan tarefas de mellora nos vestiarios das instalacións deportivas de Beiro

ObradoiroEUA1

Valga, 10 de novembro de 2020.

O alumnado da especialidade de albanelería do Obradoiro de Emprego Ulla-Umia IV está a executar traballos de mellora e acondicionamento no interior do Edificio de Usos Administrativos. As obras son continuación das que se realizaron nos anteriores obradoiros e afectan, neste caso, á última planta do inmoble: o baixo cuberta.

As tarefas que levan a cabo os aprendices consisten no enfoscado a boa vista e maestrado de paredes, aplicando revestimento continuo sobre guías. Tamén se está realizando o empastado das paredes para posteriormente proceder ao pintado de todos os paramentos interiores.

O alcalde, José María Bello Maneiro, acompañado pola concelleira de Formación e Emprego, Carmen Gómez, e a directora do Obradoiro, Mª Carmen Vidal, achegouse a comprobar o avance dos traballos.

En paralelo, os alumnos deste módulo do Obradoiro de Emprego traballan nas instalacións deportivas de Beiro, onde están a rehabilitar os vestiarios do ximnasio municipal, que tamén son empregados polo usuarios do pavillón polideportivo.

Esta actuación, que se atopa xa avanzada, consistiu no repicado dos pisos e azulexos, levantamento de novas paredes de ladrillo caravista para facer as divisións, solado de pisos e alicatado das paredes. Parte do espazo destinarase a aseos e outra a duchas e vestiarios.

Estas actividades prácticas, que se complementan coa formación teórica, teñen como obxectivo que os alumnos adquiran as destrezas necesarias do oficio de cara a unha posterior inserción no mercado laboral.

O Obradoiro de Emprego Ulla-Umia IV é promovido conxuntamente polos concellos de Valga e Moraña e subvencionado pola Consellería de Economía, Emprego e Industria. Participan unha vintena de persoas desempregadas destes dous municipios que perciben o salario mínimo interprofesional. Ademais da especialidade de albanelería, tamén se imparte un módulo de forestais.

ObradoiroEUA2 ObradoiroEUA3

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver