- Mercedes Meniño, veciña de Pontecesures, foi a gañadora e recibiu o boleto agraciado en Talleres Zamora

- Os vales entregados nesta iniciativa de promoción do comercio local deben canxearse antes do 20 de decembro

MercaValgaOutubro

Valga, 9 de novembro de 2020.

Mercedes María Meniño Oliveira, veciña de Pontecesures, foi a gañadora do sorteo do mes de outubro de Merca-Valga. O número agraciado foi o coincidente co primeiro premio do sorteo da Lotería Nacional celebrado o 31 de outubro, o 6395, que a gañadora recibiu en Talleres Zamora, de O Forno (Cordeiro).

Neste establecemento mecánico tivo lugar esta mañá a entrega do premio: 500 euros en vales de compra para gastar nos comercios adheridos a Merca-Valga. Asistiron o alcalde, José María Bello Maneiro, e os concelleiros Carmen Gómez e Pedro Calvo.

Merca-Valga é unha iniciativa do Concello para incentivar as compras no comercio local e contribuír á reactivación da economía no municipio. Deu comezo no mes de xullo e continúa ata finais de novembro, con sorteos mensuais con premios de 500 euros.

Son 73 os establecementos participantes, entre eles bares e restaurantes, negocios de alimentación, salóns de peiteado e estilismo, farmacias, carpinterías, estancos, estudos de fotografía, ferraxerías, droguerías, florerías, talleres de automoción, tendas de moda e fogar, mercerías, panaderías e pastelerías, taxis, logopedias, consultorías, negocios de xardinería e produtos agrícolas, hoteis e establecementos deportivos, entre outros.

Ao realizar as súas compras, os clientes destes comercios reciben boletos numerados e o premio recae naquela papeleta que coincida coas catro últimas cifras do sorteo da Lotaría Nacional do último día de cada mes. O próximo e último sorteo desta edición de Merca-Valga terá lugar o 28 de novembro.

Os vales de compra teñen que canxearse antes do día 20 de decembro, tal e como establecen as bases.

MercaValgaOutubro2

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver