- Impártese en dous grupos cun máximo de seis persoas en cada un e con todas as medidas hixiénico-sanitarias

- Durante os próximos días desenvolveranse tamén seminarios sobre certificado dixital, copias de seguridade e redes sociais, entre outras temáticas

CemitWhastapp1

Valga, 15 de setembro de 2020.

A Aula CeMIT acolle esta semana as primeiras actividades presenciais dende que, no mes de marzo, se declarara o Estado de Alarma a consecuencia da situación de emerxencia sanitaria. Dende aquela priorizouse a teleformación, cumprindo coas recomendacións das autoridades para conter a pandemia da Covid-19.

Onte recuperouse a formación presencial cun curso de “Whatsapp para principiantes”, dirixido a persoas maiores de 50 anos e que se imparte en dous grupos diferentes cun máximo de seis persoas en cada un. Aos participantes tómaselles a temperatura antes de acceder á aula, deben desinfectar as mans con xel hidroalcohólico ao entrar e ao saír, é obrigatorio o uso de mascarilla e cada persoa só pode empregar un equipo, mantendo ademais a distancia de seguridade interpersoal. As sesións comezaron o luns e mañá terá lugar a última.

Nos vindeiros días realizaranse na Aula CeMIT máis actividades: unha serie de seminarios web do Canal Sénior que, aínda que se dirixen principalmente a maiores, están abertos a todos os públicos. Estes seminarios impártense a través de videoconferencia na propia aula e tamén se dá a posibilidade de que os usuarios se conecten dende os seus fogares.

Mañá mércores terá lugar a actividade “Trámites online con certificado dixital”, no que se tratarán contidos coma a creación da identidade dixital e que tipo de actividades administrativas e trámites se poden realizar con este certificado. O xoves impartirase o seminario “Copias de seguridade e consellos de uso do certificado dixital” e o venres pecharase a semana coa actividade “Firma de documentos electrónicos co teu certificado dixital”.

A vindeira semana continúan as iniciativas de formación tecnolóxica cos seminarios “Facebook, unha nova vía para ampliar o teu círculo social” e “Outras redes sociais para estar ao día”. Todas estas actividades desenvólvense a partir das 12 da mañá.

Para participar é necesario inscribirse previamente no teléfono 986 55 67 69 ou a través da páxina web da Rede CeMIT.

CemitWhastapp2

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver