- As instalacións contan con novo mobiliario e unha exposición de botellas conmemorativas

- Esta tarde, a partir das 20 horas, dá comezo o Concurso da Caña do País coa precata

^{Valga, 27 de agosto de 2020.}

^{O Centro de Interpretación da Caña do País vístese de gala para celebrar a XXX edición da Festa da Anguía e Mostra da Caña do País, que se desenvolven durante os vindeiros días.}

^{O inmoble situado no Parque Irmáns Dios Mosquera estrea equipamento, tanto na zona dedicada ao destilado tradicional da augardente coma na planta superior, adicada a catas, exposicións e outras actividades. En concreto, o centro conta con novo mobiliario coma mesas, sillas e un moble de cociña con fregadoiro e espazo de almacenaxe.}

^{Na planta superior instaláronse, ademais, dúas vitrinas cunha exposición das botellas conmemorativas das sucesivas edicións da Mostra da Caña do País.}

^{Estas incorporacións súmanse ao equipamento que xa contiña o edificio, entre o que destacan dous alambiques para o destilado e un lagar.}

^{Nas instalacións do Centro de Interpretación dará comezo esta tarde o Concurso Tradicional da Caña do País. A partir das 20 horas terá lugar a precata, coa participación dos catadores Mª Dolores Catoira Piñeiro, Juan Carlos García Busto, Manuel Blanco Picón e Ricardo Abuín Mariño, que realizarán unha primeira selección de licores nas modalidades branca, tostada e de herbas. Mañá terá lugar a cata final e os gañadores daranse a coñecer o sábado durante o acto de entrega de premios no Parque Irmáns Dios Mosquera.}