- A programación dá comezo esta fin de semana coa Ruta-Concurso “Tapa a anguía”

- Mantéñense o Concurso da Caña e a demostración de destilado e haberá obradoiros e baile para os máis pequenos e un concerto da banda

^{Valga, 18 de agosto de 2020.}

^{O Concello de Valga ten pechada a programación da XXX Festa da Anguía e Mostra da Caña do País, que se celebra a partir da vindeira fin de semana. O goberno municipal decidiu manter o evento pero reformulalo evitando as grandes aglomeracións e organizando actividades seguras e dirixidas a público reducido.}

^{A programación mantén algunhas das citas habituais da festa, coma a Ruta de Tapas, o certame Embelecer Valga e o Concurso da Caña do País. Tamén se realizará a demostración de destilado de augardente tradicional e incorpóranse actividades culturais e lúdicas para todos os públicos, coma obradoiros de maxia, contos e cociña ou un concerto da Banda de Música Municipal de Valga.}

^{O programa de actividades completo é o seguinte:}

^{SÁBADO, 22 DE AGOSTO}

• ^{10:00 horas: Visita do xurado aos lugares participantes no concurso Embelecer Valga (Avenida da Coruña, Barcia, Barro, Beiro, Campaña, Canle, CEIP Baño-Xanza, CRA de Valga, Eiras, Eirexe, Laceiras, Tarroeira, Vilar e Vilarello).}

• ^{12:00 a 15:00 e de 20:00 a 23:00 horas: VII Ruta-Concurso “Tapa a Anguía” na que participan Café-Bar Couceiro, Bar Juan, Cafetería Auditorio, Pastelería Caprichos, Café-Bar O Pontellón e Bar Pardal.}

^{DOMINGO, 23 DE AGOSTO}

• ^{12:00 a 15:00 horas: VII Ruta-Concurso “Tapa a Anguía”}

^{XOVES, 27 DE AGOSTO}

• ^{20:00 horas, no Centro de Interpretación da Caña do País: Concurso Tradicional da Caña do País. Precata}

^{VENRES, 28 DE AGOSTO}

• ^{20:00 horas, no Centro de Interpretación da Caña do País: Concurso Tradicional da Caña do País. Cata final}

^{Presentación da botella conmemorativa da XXX Mostra da Caña do País}

• ^{20:00 horas, no Parque Irmáns Dios Mosquera: Obradoiro “O cociñeiro Antón e a pasteleira Tomasa”, que mestura a narración oral coa posta en escena teatral. Antón e Tomasa son un cociñeiro e unha pasteleira aos que lles encanta cociñar un montón de aventuras. A actividade conta cunha segunda parte na que se leva a cabo un obradoiro de cociña.}

^{SÁBADO, 29 DE AGOSTO}

• ^{12:00 a 15:00 e de 20:00 a 23:00 horas: VII Ruta-Degustación “Tapa a Anguía”}
• ^{17:00 horas, no Centro de Interpretación da Caña do País: Acendido de potas para a Demostración de destilado de caña}

^{No Parque Irmáns Dios Mosquera:}

• ^{19:00 horas: Obradoiro “Maxia divertida”. O Mago Paco preséntanos unha morea de historias a través de xogos, que levarán a nenos e maiores a descubrir a “maxia divertida” que esconden os contos.}
• ^{20:00 horas: Sesión de baile e coreografías “Danza igualitaria”. Actividade enmarcada no programa de Igualdade do Concello, dirixida a todos os públicos e persoas con ou sen experiencia para “Movernos pola Igualdade”.}
• ^{21:00 horas: Entrega de premios do Concurso da Caña do País, Embelecer Valga, Concurso artístico para elixir o cartel anunciador, Ruta “Tapa a Anguía” e gañadores dos vales de compra da ruta de tapas.}
• ^{21:30 horas: Concerto da Banda de Música Municipal de Valga}

^{DOMINGO, 30 DE AGOSTO}

• ^{12:00 a 15:00 horas: VII Ruta-Degustación “Tapa a Anguía”}

^{O goberno municipal pide a todas as persoas que asistan aos diferentes actos, que cumpran coas normas sanitarias, levando mascarilla e mantendo a distancia de seguridade, pola súa saúde e a de todos.}