A proba práctica terá lugar o vindeiro mércores, 22 de xullo, nas instalacións da Escola Taller

O Concello e a Consellería do Medio Rural asinaron un convenio para a prevención e loita contra os lumes forestais

 

Valga, 17 de xullo de 2020.

Un total de vinte e un aspirantes presentáronse ao concurso-oposición convocado polo Concello para a contratación de cinco operarios que formen a brigada de loita contra incendios forestais que prestará servizo en Valga durante un período de tres meses.

Os postos que se ofertan son un xefe de brigada, un condutor e tres peóns. Todos os candidatos presentaron a documentación requerida dentro do prazo establecido, polo que non houbo ningún excluído do proceso.

Os aspirantes deberán realizar unha proba física de esforzo e tamén unha proba práctica, para as que están convocados o vindeiro mércores, 22 de xullo, entre as 8:30 e as 14:20 horas nas instalacións da Escola Taller, no Forno (Cordeiro). Aos que superen estas probas realizaráselles tamén unha entrevista persoal con preguntas relacionadas co posto de traballo ao que optan.

Para a posta en funcionamento desta brigada, o Concello e máis a Consellería do Medio Rural asinaron un convenio de colaboración para o desenvolvemento de accións de defensa contra incendios forestais.

Entre as funcións e tarefas a realizar por este retén terá prioridade a extinción de incendios forestais, pero tamén levarán a cabo labores de prevención e desbroces.

A lista de aspirantes admitidos e a convocatoria da proba de esforzo e proba práctica poden consultarse na seguinte ligazón: https://www.valga.gal/formacion-orientacion-e-emprego/novas/2263-lista-de-aspirantes-admitidos-no-concurso-oposici%C3%B3n-para-seleccionar-a-cinco-operarios-da-brigada-contra-incendiios-e-convocatoria-de-probas-de-esforzo-e-pr%C3%A1ctica

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver