Accessibility Tools

NOVAS DO CONCELLO

- O Concello aportará os materiais para realizar as obras e outorgará premios de 300, 200 e 100 euros

- As actuacións de mellora deben estar rematadas a penúltima fin de semana do mes de agosto, cando serán visitadas polo xurado

Embelecer19web

Valga, 16 de xullo de 2020.

Un total de catorce comisións presentaron proxectos de acondicionamento de espazos e infraestruturas públicas para concorrer ao concurso “Embelecer Valga”. Este certame, que anualmente convoca o Concello, premia ao lugar máis fermoso engalanado polos veciños, como un xeito de implicar á poboación no coidado do entorno acometendo accións de limpeza, mellora, dotación de equipamentos ou ornamentación de paraxes.

As comisións que se inscribiron nesta edición do concurso e as obras que realizarán son:

  • Avenida da Coruña: acondicionamento do parque
  • Barcia: melloras no parque
  • Barro: traballos de mantemento no parque
  • Beiro: ornamentación e acondicionamento do parque
  • Campaña: mellora do parque infantil do campo da festa
  • Canle: melloras no parque
  • CEIP Baño-Xanza: mellora de patios e pistas deportivas
  • CRA de Valga: acondicionamento dos patios das escolas unitarias
  • Eiras: adecentamento do lavadoiro e do seu entorno
  • Eirexe (Campaña): mellora da contorna do cemiterio parroquial
  • Laceiras: acondicionamento do parque
  • Tarroeira: acondicionamento de terreo vecinal
  • Vilar: mantemento do lavadoiro e do parque
  • Vilarello. restauración dun lavadoiro e mantemento doutros espazos da aldea

O Concello aportará os materiais necesarios para realizar os traballos, que deben estar finalizados na penúltima fin de semana do mes de agosto, data na que o xurado visitará os diferentes lugares para a súa valoración. O tribunal estará composto polos concelleiros de Medio Ambiente, Cultura, Turismo e Patrimonio e un membro de cada comisión participante. Valoraranse cuestións coma a adecuación final das obras á memoria presentada, a orixinalidade e creatividade nos deseños e na decoración, o aproveitamento de recursos e materiais da zona, a recuperación de elementos existentes característicos do lugar e o fomento da cultura e tradicións locais.

Os gañadores daranse a coñecer coincidindo coa Festa da Anguía e Mostra da Caña do País. O proxecto mellor valorado será premiado con 300 euros, o segundo recibirá 200 euros e o terceiro, 100 euros. Os tres primeiros clasificados recibirán tamén un trofeo e o resto de participantes serán gratificados con 100 euros e un diploma conmemorativo. 

Ademais, outorgarase un premio especial á comisión que mellor manteña o estado do lugar acondicionado durante todo o ano. A cuantía será de 150 euros, que se entregarán na vindeira edición do concurso, aínda que a comisión gañadora non participe.

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver