- A estrutura ten unhas dimensións de 2’50 metros de alto por 10 de longo

- A imaxe da Bella Otero destaca sobre un fondo beige que harmoniza coa pedra do edificio

^{Valga, 18 de xuño de 2020.}

^{O Museo da Historia de Valga estrea nova imaxe exterior trala colocación, sobre a galería da fachada principal, dunha lona de gran formato.}

^{O panel promocional foi deseñado, fabricado e subministrado pola empresa Insólito Diseño + Producto e  ten unhas dimensións de 2,5 metros de alto por 10 de longo. Está reforzado con ollais de anclaxe para tensionalo.}

^{A protagonista do deseño é a Bella Otero, cuxa figura destaca sobre un fondo de cor beige que harmoniza coa pedra da fachada. No outro lateral, e sobre fondo máis escuro, a lona incorpora a inscrición “Mercurio Severus pro voto”, a mesma que pode lerse na ara romana do século I que foi achada en 1950 na capela dos Martores, e cuxo orixinal se exhibe no Museo.}

^{Esta actuación foi cofinanciada polo Concello e a Deputación de Pontevedra, a través dunha liña de subvencións para a rehabilitación e sinalización do patrimonio histórico-cultural. A coidada e atractiva estética do edificio do Museo da Historia vese así reforzada con esta lona, que lle imprime unha maior identidade.}