- O proxecto ten un orzamento de 103.805 euros que financian conxuntamente o Concello e a Deputación

- As empresas poden presentar ofertas telemáticas ata o día 18 de xuño

 

Valga, 5 de xuño de 2020.

O Concello de Valga vén de licitar a subministración de composteiros individuais e unidades modulares de compostaxe comunitaria no marco do Plan Revitaliza, no que participan o Concello e a Deputación Provincial.

O contrato divídese en tres lotes: a dotación de 1.191 unidades de composteiros individuais con capacidade entre 300 e 400 litros (86.446’60 euros), a provisión de tres unidades de composteiros individuais de entre 800 e 900 libros de capacidade (99’30 euros) e a instalación de 28 unidades modulares de compostaxe comunitaria (16.940 euros). O valor total estimado do proxecto é de 103.805'9, que serán financiados entre o Concello e a Deputación.

As empresas teñen de prazo ata o día 18 de xuño para presentar ofertas de xeito telemático a través da Plataforma de Contratación do Sector Público, se ben as mostras dos elementos a subministrar deben presentarse fisicamente no Concello. Cada licitador pode presentar ofertas soamente para algún dos lotes ou para todos eles, podendo resultar a mesma empresa adxudicataria de todos os lotes.

A concesionaria contará cun prazo de 15 días dende a formalización de cada pedido para entregar os elementos obxecto do contrato.

Para xestionar este proxecto do Plan Revitaliza o Concello incorporou recentemente a unha mestra composteira. O obxectivo é fomentar a compostaxe entre a veciñanza, instalando composteiros comunitarios nas zonas máis urbanas e no entorno de edificios de vivenda colectiva, e os composteiros individuais repartiranse entre residentes en vivendas unifamiliares.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver