- A empresa encargada da xestión desinfectará as instalacións dúas veces ao día

- Pídese responsabilidade aos usuarios para garantir a distancia de seguridade

Ximnasio20

Valga, 1 de xuño de 2020.

O ximnasio municipal de Valga reabriu esta mañá baixo unhas medidas excepcionais de hixiene e prevención ante o coronavirus Covid-19.

O centro deportivo emprazado en Beiro (Cordeiro) conta cun protocolo elaborado por unha empresa de prevención de riscos laborais e vixilancia da saúde no que se recollen as medidas a adoptar para garantir un entorno seguro para a práctica deportiva e unha serie de instrucións de obrigado cumprimento para os usuarios que acudan ás instalacións.

A empresa responsable da xestión do ximnasio explica que o aforo máximo nestes momentos é de 18 persoas. Ao acceder, os usuarios deben pasar sobre unha alfombra desinfectante e, unha vez no interior, contarán con cinco puntos dispensadores de xel hidroalcohólico distribuídos por todo o recinto.

Cada usuario ten que acudir cunha toalla grande que cubra todo o banco e debe desinfectar as máquinas que vaia a empregar tanto antes coma despois do seu uso. En todo momento debe manterse a distancia de seguridade entre persoas, motivo polo que se modificou a distribución dos aparatos, separándoos entre si.

Ademais de todas estas medidas, o concesionario da xestión do ximnasio desinfectará por completo as instalacións dúas veces ao día: unha ao finalizar a xornada de mañá e outra ao rematar o horario de tarde.

O horario de apertura mantense conforme ao habitual antes de declararse o Estado de Alarma: de 9:30 a 12:30 polas mañás e de 17:30 a 22:30 pola tarde.

As actividades grupais permanecen polo de agora suspendidas á espera de que posteriores fases da desescalada permitan a súa realización con seguridade.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver