Accessibility Tools

NOVAS DO CONCELLO

- A contribución foi realizada pola empresa de deseño en pedra Epetrum e inclúe leite, zumes, galletas e outros produtos para o almorzo

- A tenda Alimentación Eiras, en Ferreirós, tamén colabora con Servizos Sociais recollendo alimentos para os veciños que necesiten axuda

DoazónEpetrum1

Valga, 27 de maio de 2020.

O Concello recibiu esta mañá unha doazón de produtos alimenticios por parte dunha empresa local, Epetrum., que quere contribuír deste xeito a aliviar a situación que afecta a algunhas familias a consecuencia da crise do coronavirus Covid-19.

A doazón inclúe varios lotes de produtos para o almorzo, coma bricks de leite, galletas, cacao en polvo, magdalenas, zumes e azucre. Foron postos a disposición do departamento de Servizos Sociais, que será o encargado de distribuír estes alimentos entre as familias do municipio que se atopen en situación de vulnerabilidade.

Outro establecemento de Valga tamén se puxo a disposición dos Servizos Sociais do Concello para axudar, na medida do posible, a minimizar os efectos da crise do Covid-19 entre a poboación local. Trátase de Alimentación Eiras, que pon a disposición a súa tenda en Ferreirós para a recollida de alimentos e outros produtos de primeira necesidade de cara á súa posterior distribución entre as familias que precisen axuda.

O goberno municipal traslada o seu agradecemento aos responsables de Epetrum e de Alimentación Eiras por estes xestos de xenerosidade cos seus veciños.

DoazónEpetrum2

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver