- Portos de Galicia aportará o orzamento total do proxecto, 332.439 euros

- Ademais da colocación do pantalán, pavimentarase unha pequena zona de ribeira, instalarase mobiliario e mellorarase o acceso

EmbarcadoiroNovoySierra1

Valga, 22 de maio 2020.

O Consello da Xunta deu luz verde na súa reunión de hoxe ao convenio de colaboración asinado entre o Concello e a entidade pública Portos de Galicia para a execución dun novo embarcadoiro no río Ulla destinado ao seu uso por parte de embarcacións turísticas e de recreo. Neste proxecto investiranse 332.439’27 euros, que serán financiados integramente por Portos.

O embarcadoiro executarase no mesmo lugar no que se conservan os restos do antigo porto de carga e descarga de mercadorías vencellado á actividade industrial da desaparecida fábrica de cerámica Novo y Sierra. As obras que se levarán a cabo consistirán na rehabilitación daquela pequena estrutura portuaria co fin de permitir o atraque aos catamaráns e embarcacións turísticas que operan na Ría de Arousa e no río Ulla e atraer, así, un fluxo de visitantes que cheguen ao municipio por vía fluvial.

Acondicionarase na zona de ribeira unha área de 316 metros cadrados con pavimento de granito e colocaranse nela cinco bancos que servirán para delimitar o aparcamento. Tamén se colocarán unha varanda de protección de madeira e alcorques nas árbores que se manteñan na explanada.

O embarcadoiro contará cunha pasarela de 33 metros de lonxitude e 2’5 de ancho realizada en estrutura de aluminio. Desde esta accederase ao pantalán, unha plataforma flotante tamén de aluminio e que terá 24 metros de longo por 3 de ancho.

Por último, o proxecto recolle a realización de obras de acondicionamento do camiño de acceso ao lugar, mediante o estendido e o compactado de saburra.

O prazo de execución total é de cinco meses e será Portos de Galicia quen se encargue da licitación e contratación das obras. O Concello será o responsable do seu mantemento e conservación unha vez finalizadas.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver