- O Centro de Información á Muller continúa prestando asesoramento psicolóxico e xurídico por vía telefónica

Facebook copia

Valga, 3 de abril de 2020.

As vítimas de violencia de xénero son un colectivo especialmente sensible durante a situación de confinamento polo coronavirus. A Concellería de Igualdade e Benestar Social lembra a estas mulleres que o CIM continúa prestando asesoramento xurídico e psicolóxico gratuíto a través do teléfono 636 75 79 69 e que teñen á súa disposición varios programas, impulsados tanto polo Goberno do Estado como pola Xunta de Galicia, aos que poden acollerse.

A Secretaría Xeral de Igualdade da Xunta puxo en marcha un Plan de Reforzo para garantir a seguridade das vítimas da violencia de xénero durante a vixencia de Estado de Alarma e para atender, acompañar e protexer ás mulleres co obxectivo de mitigar as situacións de violencia pese ao illamento e ao confinamento domiciliario.

O Plan de Reforzo mantén activo o servizo de atención telefónica 24 horas a mulleres vítimas de violencia de xénero (900400273), que recibe tamén as chamadas procedentes de Galicia que entran a través do 016. Ademais, opera con normalidade o asesoramento xurídico en liña a través do enderezo http://igualdade.xunta.gal/gl/content/asesoramento-xuridico-line e seguen operativas as terapias de apoio psicolóxico, tanto en atención presencial como a través de sesións telemáticas ou telefónicas, ao igual que o contacto coas vítimas de violencia sexual.

As mulleres vítimas e os seus fillos seguen tendo á súa disposición, de forma presencial cando sexa posible e por vía telefónica, o servizo de quenda de garda psicolóxica permanente e especializada que presta apoio nos momentos iniciais de presentación da denuncia. Ademais, realízanse seguementos telefónicos coas vítimas con ordes de protección activas ouás que se lle diten durante o Estado de Alarma.

Tamén se manteñen operativos -en liña, por teléfono ou por correo electrónico- os servizos administrativos de carácter esencial para as vítimas, e o pago de todas as axudas económicas, que ademais seguirán a tramitarse na sede electrónica da Xunta.

Pola súa parte, o Ministerio de Igualdade aprobou un Plan de Continxencia contra a violencia de xénero ante a crise do Covid-19. Este plan conta cunha guía de actuación para mulleres que estean sufrindo violencia durante a situación de permanencia domiciliaria derivada do Estado de Alarma. Este documento pode descargarse premendo AQUÍ.

Cartelteléfonos

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver